Iroq Respublikasining Bag‘dod shahrida mamlakatdagi eng yirik xalqaro ko‘rgazmalardan biri — “Baghdad International Fair” o‘z ishini davom ettirmoqda. Ko‘rgazmada Buvayda tumani hokimi o‘rinbosari Umrzoqov Xo‘jaAxmad boshchiligidagi delegatsiya ham ishtirok etmoqda. Tuman tadbirkorlari o‘z mahsulotlari bilan xalqaro bozorda o‘z o‘rnini mustahkamlash maqsadida faol qatnashmoqda. Jumladan, Buvayda tumanida faoliyat yuritayotgan “Moviy omad fayz” MChJ tomonidan ishlab chiqarilayotgan qurilish materiallari, shuningdek, tumandagi qurilish materiallari va elektrotexnika yo‘nalishidagi korxonalar mahsulotlari xorijiy hamkorlar e’tiboriga havola etilmoqda. Ushbu ishtirok Buvayda brendlarini xalqaro maydonga olib chiqish, eksport geografiyasini kengaytirish va yangi hamkorlik aloqalarini yo‘lga qo‘yishda muhim qadam bo‘lib xizmat qilmoqda.