Buvayda tumanida “Obod yurt – tozalik va ozodalik oyligi” doirasida keng ko‘lamli amaliy ishlar olib borilmoqda. Shu jumladan, "Sho‘r" mahallasida yashovchi yolg‘iz keksa ayol — Nomozova Hosiyatxon onaning xonadonida yoshlar yetakchilari tomonidan hashar ishlari tashkil etildi. Tashabbus doirasida xonadon atrofi tozalandi, daraxtlar butalib oqlandi, gul ko‘chatlari ekildi hamda hudud obod ko‘rinishga keltirildi. Mazkur ezgu ishlar nafaqat mahallamizni chiroyli va ozoda qilishga, balki aholi, ayniqsa yoshlar o‘rtasida ekologik madaniyatni oshirishga xizmat qilmoqda,-deydi mahalla yoshlar yetakchisi. “Obod yurt” chellenji — atrof-muhitni asrash, poklik va ezgulik sari tashlangan muhim qadamlardan biri bo‘lib, bunday sa’y-harakatlar tumanimizning har bir hududida izchil davom etmoqda.