Buvayda tumanida yoshlar bilan ochiq muloqot tarzida uchrashuv tashkil etildi. Tadbirda Buvayda tumani hokimi o‘rinbosari G‘ayratjon Mamajonov, "Inson" ijtimoiy xizmatlar markazi rahbari hamda Tuman adliya bo‘limi xodimlari ishtirok etdilar. Uchrashuv davomida yoshlarga huquqiy maslahatlar berildi, ijtimoiy himoya va bandlik masalalariga oid murojaatlar o‘rganildi. Shuningdek, yoshlar o‘zlarini qiziqtirgan savollar bo‘yicha mutasaddi tashkilotlar tomonidan atroflicha javoblar oldilar. Mazkur uchrashuv yoshlarning huquqiy madaniyatini oshirish, ularning jamiyatdagi faol ishtirokini ta’minlash va ijtimoiy himoyasini kuchaytirishga qaratilgan muhim amaliy qadam bo‘ldi.