O‘zbekiston Respublikasi Prezidentining 2025-yil 14-martdagi PQ–103-sonli qaroriga asosan, Qo‘shtepa tumanida xotin-qizlarni qo‘llab-quvvatlash va ularning bandligini ta’minlash yo‘nalishida tizimli chora-tadbirlar amalga oshirilmoqda. 📊 Maqsadli ko‘rsatkich: 2025-yil davomida jami 10 589 nafar xotin-qizni ish bilan ta’minlash belgilangan. 🛠 Amalga oshirilgan ishlar: 2025-yilning yanvar–may oylarida: 9 642 nafar xotin-qiz kasb-hunar, tadbirkorlik va moliyaviy savodxonlikka o‘qitildi; Ko‘plab ayollar o‘z tadbirkorlik faoliyatini yo‘lga qo‘yish uchun bank kreditlari asosida moliyaviy qo‘llab-quvvatlandi; O‘quv jarayonlari yakunida ularning bandligi ta’minlandi. 🌿 Yangi tashabbuslar doirasida: “Tadbirkor ayol” o‘quv markazi bilan hamkorlikda do‘ppido‘zlik va asalarichilik yo‘nalishlarida maxsus o‘quv kurslari tashkil etildi. 📍 Xususan, tumanning Loyson mahallasida O‘zbekiston Asalarichilar uyushmasi a’zosi N. Xoshimov tomonidan “Ayollar daftari”ga kiritilgan ehtiyojmand 35 nafar xotin-qizga asalarichilik sohasi bo‘yicha nazariy va amaliy mashg‘ulotlar o‘tkazilmoqda. 📜 Natijada, o‘quv kurslarini muvaffaqiyatli tamomlagan ayollarga sertifikatlar topshirilmoqda va ularning ushbu yo‘nalishlarda bandligi ta’minlanmoqda.