Prezident maslahatchisining birinchi o‘rinbosari Po‘lat Bobojonov boshchiligidagi Respublika ishchi guruhi Buvayda tumanidagi mebelchilik sanoat zonasida olib borilayotgan ishlar bilan yaqindan tanishdi. Tashrif davomida hududda kichik biznes va hunarmandchilikni rivojlantirish, yangi ish o‘rinlari yaratish, aholi, ayniqsa yoshlarning bandligini ta’minlash borasidagi sa’y-harakatlar o‘rganildi. Sanoat zonasida faoliyat olib borayotgan korxonalarning ishlab chiqarish quvvatlari, mahsulot sifati, ishbilarmonlik muhiti va hunarmandlar uchun yaratilgan sharoitlar ishchi guruh tomonidan yuqori baholandi. Shuningdek, tashrif chog‘ida mahalliy hunarmandlar tomonidan tayyorlangan milliy mahsulotlar ko‘rgazmasi bilan tanishildi hamda bu kabi tashabbuslarni kengaytirish, hunarmandlarga zarur ko‘mak berish bo‘yicha tavsiyalar berildi. Respublika ishchi guruhi tomonidan o‘rganish ishlari davom etmoqda.