Qo‘shtepa tumanida milliy merosimizni asrab-avaylash, mahalliy hunarmandchilikni rivojlantirish, ayniqsa kashtachilik san’atini keng targ‘ib qilish, uni yosh avlodga yetkazish va milliy qadriyatlarimizni ommalashtirish maqsadida “Kashtalar jilosi” nomli kashtachilik va xalq hunarmandchiligi mahsulotlari ko‘rgazma-festivali tashkil etildi. Festival davomida turli yoshdagi hunarmandlar va kashtado‘zlar o‘z ijod namunalarini namoyish etdilar. Tadbir doirasida “Eng sara kashta”, “Eng mohir kashtado‘z”, “Eng iqtidorli yosh shogird” hamda “Eng innovatsion yondashuvga ega kashtado‘z” kabi nominatsiyalar bo‘yicha g‘oliblar aniqlanib, faxriy yorliqlar va esdalik sovg‘alari bilan taqdirlandi.