Farg‘ona tuman hokimligi, tuman Kambag‘allikni qisqartirish va bandlikka ko‘maklashish bo‘limi hamda boshqa tegishli tashkilotlar hamkorligida Chinor tagi” istirohat bog‘ida mehnat yarmarkasi tashkil etildi. Yarmarkada tuman korxona va tashkilotlari tomonidan 130 ga yaqin bo‘sh ish o‘rinlari taklif qilindi. Unda jami 65 nafar fuqaro ishtirok etdi. Natijada 22 nafar ishtirokchiga ishga yo‘llanma berildi. Xususan, Respublika ixtisoslashtirilgan kardiologiya markazining viloyat filialiga 1 nafar fuqaro, “FAR STROY 555” hamda “SIMORA SERVIS” MChJlarga 11 nafar, boshqa xususiy korxonalarga 10 nafar fuqaro ishga yo‘naltirildi. Bundan tashqari, 14 nafar fuqaro yordamchi tarbiyachi va kompьyuter dizayni yo‘nalishlari bo‘yicha kasbga qayta o‘qitish uchun tuman Kasbiy ko‘nikmalar markaziga yuborildi.