14-yanvar — Vatan himoyachilari kuni munosabati bilan Buvayda tuman markazida, Mega park istirohat bog‘i oldida Vatan himoyachilarining jasorati va harbiy salohiyatini namoyon etuvchi ommaviy tadbir tashkil etildi. Tadbirni tuman hokimining o‘rinbosari G‘. Mamajonov ochib berdi. Tadbir boshida O‘zbekiston Respublikasi Davlat madhiyasi yangradi. Shundan so‘ng harbiy orkestr chiqishlari, jangovar sahna ko‘rinishlari, faxriy qorovullar yurishi hamda zamonaviy harbiy texnika va qurollar namoyishi bo‘lib o‘tdi. Mazkur tadbir yoshlar va keng jamoatchilikda vatanparvarlik ruhini mustahkamlashga xizmat qildi hamda bayramona ruhda o‘tdi.