Kasaba uyushmalari harakatining 120 yilligi munosabati bilan Buvayda tuman Tibbiyot birlashmasida ish beruvchi va kasaba uyushmasi hamkorligida “Uch avlod uchrashuvi” tadbiri tashkil etildi. Baxt tantanalari saroyida o‘tgan samimiy uchrashuvda tibbiyot sohasida fidokorona mehnat qilgan faxriy shifokorlar e’tirof etildi, ularning mehnat yo‘li yosh avlod uchun ibrat sifatida tilga olindi. Tadbirda Buvayda tuman hokimi o‘rinbosari G‘ayratjon Mamajonov ishtirok etib, faxriylarni bayram bilan tabrikladi hamda ularning tizim rivojiga qo‘shgan hissasini yuksak baholadi. Bunday uchrashuvlar avlodlar o‘rtasidagi uzviylikni mustahkamlash, ustoz-shogird an’analarini davom ettirish va tibbiyot xodimlari o‘rtasida hurmat, e’tibor va mehr-muhabbatni kuchaytirishga xizmat qilmoqda.