Buvayda tuman Tibbiyot birlashmasida ish beruvchi va kasaba uyushmasi hamkorligida sog‘lom turmush tarzini targ‘ib etuvchi sport tadbirlari oʻtkazildi. Tadbir erta tongda yuzlab shifokor va hamshiralarning ishtirokida “Sog‘lom hayot sari — 5000 qadam” shiori ostidagi yurish marafoni bilan boshlandi. Shundan so‘ng stol tennisi, shaxmat-shashka, yugurish, voleybol va futbol sport turlari bo‘yicha musobaqalar tashkil etildi. Tadbir davomida tibbiyot xodimlarining yuqori kayfiyat va sportga bo‘lgan ishtiyoqi namoyon bo‘ldi. Musobaqa g‘oliblari hamda faol ishtirok etganlar Kasaba uyushmasi tomonidan esdalik sovg‘alari bilan taqdirlandi. Taqdirlash marosimida Buvayda tuman hokimi o‘rinbosari G‘.Mamajonov ishtirok etib, barcha tibbiyot xodimlarini bayram bilan tabrikladi hamda sog‘lom turmush tarzini ommalashtirishda ularning faolligini yuqori baholadi. Bunday tadbirlar tibbiyot xodimlari o‘rtasida sog‘lom raqobat, jamoaviylik va hamjihatlikni kuchaytirishga xizmat qilmoqda.