O‘zbekiston Respublikasi Prezidentining 2024-yil 15-noyabrdagi PQ-393-son qaroriga asosan mamlakatimizning barcha hududlarida tashkil etilgan Jasorat maktablari faoliyatini boshladi. Buvayda tumanidagi 2-son Jasorat maktabida 2025–2026 o‘quv yilida o‘qishga qabul qilingan 26 nafar o‘quvchi-yoshlarning tantanali qasamyod marosimi bo‘lib o‘tdi. Tadbirda Buvayda tumani hokimi Behzodjon Ibragimov, tuman IIB boshlig‘i Sherzodjon Axmedov hamda Mudofaa ishlari bo‘limi boshlig‘i Zafarjon Homidov ishtirok etdi. Tuman hokimi yoshlarga tabrik so‘zini yo‘llab, ularga yurtimiz kelajagi yo‘lida fidoyilik, bilim va matonat tiladi.