Tuman hokimligi tomonidan "Baxt" tantanalar majmuasida tumandagi mavjud maktablar hamda maktabgacha ta’lim tashkilotlari rahbarlari, faol o‘qtuvchi va murabbiylar uchun bayram tadbiri tashkil etildi. Tuman hokimi Behzodjon Ibragimov boshchiligida davlat idoralari va huquq-tartibot organlari rahbarlari ustoz murabbiylarni yaqinlashayotgan kasb bayramlari bilan tabrikladilar. Yurtboshimiz tashabbusi bilan ta’lim sohasini yanada rivojlantirish, o‘qituvchi va tarbiyachlarni har tomonlama qo‘llab-quvvatlash borasida amalga oshirilayotgan islohotlar haqida fikr yuritildi. Tuman Madaniyat bo‘limi qoʻshiqchilari tomonidan ijro etilgan quy qoʻshiqlar bayramga oʻzgacha shukuh bagʻishladi.