Buvayda tumani hokimi Behzodjon Ibragimov mahalla fuqarolar yig‘inlari faoliyati bo‘yicha hokim yordamchilari, mahalla raislari, xotin-qizlar va yoshlar yetakchilari bilan 2026-yilga mo‘ljallangan ish rejalari loyihalarini tanqidiy-tahliliy muhokama qildi. Yig‘ilishda sanoat loyihalarini amalga oshirish, tadbirkorlik va xizmat ko‘rsatish sohasini rivojlantirish, hududlarni obodonlashtirish hamda xotin-qizlar va yoshlarni ijtimoiy qo‘llab-quvvatlash masalalari asosiy yo‘nalishlar sifatida belgilandi. Rejalarni aniq maqsad va natijaga yo‘naltirish bo‘yicha mas’ullarga topshiriqlar berildi.