Buvayda tumanida spirtli ichimlikka ruju qo‘ygan va probatsiya nazoratida bo‘lgan fuqarolar bilan profilaktik uchrashuv tashkil etildi. Tadbirda Farg‘ona viloyati IIB boshlig‘i o‘rinbosari polkovnik G‘ayratjon Rahmatullaev, tuman IIB rahbari hamda tuman tibbiyot birlashmasining narkolog shifokori ishtirok etdi. Uchrashuvda sog‘lom turmush tarzining ahamiyati, spirtli ichimliklarning inson salomatligi va oilaviy muhitga salbiy ta’siri yuzasidan tushuntirishlar berildi. Tadbir yakunida sog‘lom hayot yo‘lini tanlagan fuqarolar rag‘batlantirildi, davolanishga muhtoj shaxslar aniqlanib, ularga zarur yordam choralari belgilandi.