Tuman hokimi Behzodjon Ibragimov tashabbusi, tuman prokurori Ziyovuddin Sulaymonov, mutasaddi tashkilot rahbarlari va mahalla faollari hamkorligida Toʻgʻliq MFY, "Baraka" koʻchasida yashovchi ogʻir ijtimoiy ahvolga tushib qolgan, uy-joyga muhtoj Mamadaliyeva Rohilaxon uchun xomiylik va hashar yoʻli bilan barcha sharoitlarga ega zamonaviy uy qurib berildi. Mazkur ezgu ish Mustaqilligimizning 34 yilligi arafasida bayram tuhfasiga aylandi. Bu tashabbus xalqimiz farovonligini taʼminlash, mehr-oqibat va birdamlik anʼanalarining amaldagi ifodasiga aylandi.