Buvayda tuman hokimi Behzodjon Ibragimovning navbatdagi shaxsiy qabuli bo‘lib o‘tdi. Unda fuqarolar va tadbirkorlar o‘z murojaatlari bilan ishtirok etishdi. Qabul davomida aholi tomonidan ijtimoiy soha, bandlik, tadbirkorlik faoliyati, infratuzilma va boshqa yo‘nalishlarda bildirilgan masalalar tinglandi. Hokim murojaatlarni diqqat bilan eshitib, ularni joyida hal qilish choralarini ko‘rdi, ayrim masalalar yuzasidan mas’ul rahbarlarga aniq topshiriqlar berdi. Bunday shaxsiy qabullar fuqarolar muammolarini o‘z vaqtida hal etish, ularning murojaatlarini bevosita hokimga yetkazish imkonini bermoqda.