Viloyat “Shohimardon” pulmonologiya shifoxonasiga 2024 yil davomida 4 ming nafar yuqori nafas yo‘llarida xastaligi bor fuqarolar, shuningdek, allergik rinit, allergik bronxit, surunkali bronxit va bronxial astma kasalliklari bilan og‘rigan bemorlar kelib o‘z salomatliklarini tiklashgan. Shifoxonada sifatli tibbiy xizmat ko‘rsatish, diagnostika va davolashning zamonaviy usullarini joriy qilishga alohida e‘tibor qaratilmoqda. “Tashabbusli byudjet”ning 1 mln 250 ming so‘m miqdoridagi pul mablag‘i hisobiga zamonaviy rentgen apparati o‘rnatildi. Bundan tashqari fizioterapevtik muolajalar uchun qo‘shimcha ingalyator, UVCh, elektroforez va “Solyuks” infraqizil lampalari bemorlar xizmatida. Bularning barchasiga byudjetdan tashqari jamg‘armalari hisobidan 14 mln.so‘m mablag‘ moliyalashtirib berildi. Qolaversa, sihatgohda tibbiy turizm asosida xizmat ko‘rsatish yo‘lga qo‘yilgan. O‘tgan yili bu erga 30 nafarga yaqin qo‘shni Qirg‘iz Respublikasidan bemorlar davo istab kelgan.