Davlatimiz rahbarining 2025-yil 3-yanvar kungi "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi PQ-1-son qarori asosida Quvasoy shahrida jamoat xavfsizligini ta’minlash, huquqbuzarliklarning barvaqt oldini olish va jinoyatchilikka qarshi kurashish yo‘nalishida tizimli ishlar olib borilmoqda. Bugun, Quvasoy shahrida probatsiya nazoratida bo‘lgan fuqarolar, ajrim yoqasida turgan oilalar, shuningdek, jazoni ijro etish muassasalaridan qaytgan shaxslar ishtirokida profilaktik uchrashuv bo‘lib o‘tdi. Uchrashuvda huquq-tartibot organlari vakillari tomonidan jinoyatchilikning oqibatlari, qonunbuzarlikning huquqiy va ijtimoiy jihatlari haqida batafsil tushuntirishlar berildi. So‘z olganlar tomonidan dinimizda oila muqaddasligi, halollik, sabr-toqat, mehnatsevarlik kabi ma’naviy-ma’rifiy masalalar haqida gapirib o‘tildi. Quvasoy shahar hokimligi Axborot xizmati