Farg‘ona viloyati hokimi Xayrullo Bozorov Xitoyning Shandun provinsiyasidagi yirik ishlab chiqarish tarmoqlariga ega "Woerde Group" kompaniyasi prezidenti Shan Syuemey boshchiligidagi ishbilarmonlar bilan uchrashdi. Mazkur kompaniya qurilish industriyasi, logistika, konsalting, turizm, madaniyat kabi yo‘nalishlarda faoliyat ko‘rsatadi, 43 ta korxonalarni o‘zida birlashtirgan. Uchrashuvda kompaniya tomonidan olib borilayotgan ishlar, mahsulotlar taqdimot qilindi. Viloyat hokimi Xayrullo Bozorov bu kabi klasterga ega korxonalar uchun Farg‘onada loyihalar amalga oshirishda qulay imkoniyatlar borligini bildirib, hamkorlikka tayyorligini ma‘lum qildi. Uchrashuvda hamkorlik shartnomasi tuzilib, kompaniya vakillari bilan amaliy ishlarni boshlashga kelishildi.