O‘.Davlatov 2024 yil 25 oktyabr kuni soat 02:00 larda oson boylik orttirish, o‘zganing mulkini yashirin ravishda talon-toroj qilish maqsadida T.Soatovning savdo do‘koniga eshik oynasini yonida bo‘lgan tesha yordamida urib sindirib, savdo do‘kon ichiga g‘ayriqonuniy ravishda kirib, 300.000 so‘m pullarni yashirin ravishda talon-toroj qilib, hodisa joyidan qochib yashirinib, pullarni o‘zining shaxsiy ehtiyojlari uchun ishlatib yuborgan. Bundan tashqari, u o‘zining jinoiy harakatlarini davom ettirib, takroran o‘zganing mulkini yashirin ravishda talon-toroj qilish maqsadida, 2024 yil 2 noyabr kuni soat 02:00 larda U.Voitovning qassobxonasiga eshik oynasini yonida bo‘lgan tesha yordamida urib sindirib, qassobxonaga g‘ayriqonuniy ravishda kirib, pul topa olmagani sababli jinoyatni o‘ziga bog‘liq bo‘lmagan holda oxiriga yetkaza olmasdan voqea joyidan yashiringan. Bundan tashqari, jinoiy harakatlarini davom ettirib, takroran shu kuni soat 02:30 larda T.Soatovning savdoni do‘koniga eshik oynasini yonida bo‘lgan tesha yordamida urib sindirib, savdo do‘kon ichiga g‘ayriqonuniy ravishda kirib, 180.000 so‘m pullarni yashirin ravishda talon-toroj qilib, hodisa joyidan qochib yashirinib, pullarni o‘zining shaxsiy ehtiyojlari uchun ishlatib yuborgan. Olib borilgan tergovga qadar tekshiruv davomida savdoni do‘konining video kuzatuv kamerasidan hodisa tasviri tushirilgan video yozuvlar, D.O‘rmonovdan bir dona tesha va hodisa sodir bo‘lgan vaqtda egnida bo‘lgan kiyimlari daliliy ashyo tariqasida olingan. D.O‘rmonovning qilmishi fosh bo‘lib, sudning qora kursida o‘z qilmishlari uchun omma oldida javobgarlikka tortildi. Xali yosh bo‘la turib, o‘qib, ilm olib yurt ravnaqiga qolaversa oilasiga halol luqma olib kirish o‘rniga qabix rejasini amalga oshirib, xalq orasida “o‘g‘ri” degan tamg‘ani peshonasiga bosib olgan D.O‘rmonovning qilmishidan pushaymon bo‘lishiga biroz kech bo‘ldi. O‘z qilmishining jinoyat ekanini bila turib ushbu xarakatlarni amalga oshirdi. Alal oqibat aybi sudning hukmi bilan o‘z tasdig‘ini topib, D.O‘rmonovga tegishli jazo tayinlanib, qonun ustuvorligi ta’minlandi. Sh.Mirzakirov Jinoyat ishlari bo‘yicha O‘zbekiston tuman sudining raisi