Farg‘ona tumani Madaniyat bo‘limida Navro‘z umumxalq bayramini munosib nishonlash, milliy qadriyatlarni targ‘ib etish va ayollarning jamiyatdagi o‘rnini oshirish maqsadida "Ayol — qadriyatlar davomchisi" mavzusida marosim va urf-odatlar taqdimoti tanlovining tuman bosqichi o‘tkazildi. Tadbirda tuman hokimi o‘rinbosari, Oila va xotin-qizlar bo‘limi boshlig‘i Hamidaxon Abdug‘anieva, Madaniyat bo‘limi, Mahallalar uyushmasi tuman bo‘limi va "Oqila ayollar" harakati a‘zolari hamda mahallalardagi xotin-qizlar faollari ishtirok etdilar. Tanlov ishtirokchilari uchta shart bo‘yicha bellashib, milliy urf-odat va qadriyatlarni sahna ko‘rinishlari orqali namoyish etdilar. Yakuniy natijalarga ko‘ra, g‘olib jamoalar va faol ishtirokchilar esdalik sovg‘alari bilan taqdirlandi.