Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
ТУМАНДА ЁШЛАР ФЕСТИВАЛИ
2022-03-09 11:05:50 285
ЁШЛАР МАМЛАКАТ ЭРТАСИ ВА ЖАМИЯТ КЕЛАЖАГИНИ БЕЛГИЛОВЧИ КУЧ. УЛАРНИНГ БАРКАМОЛ ВОЯГА ЕТИШИ, САЛОҲИЯТЛИ ВА ИЛҒОР ФИКРЛАЙДИГАН АВЛОД БЎЛИБ УЛҒАЙИШИ ҲАМДА ЭЗГУ МАҚСАДЛАР РЎЁБИ ЙЎЛИДАГИ ИНТИЛИШЛАРИНИ РАҒБАТЛАНТИРИШ, ҚЎЛЛАБ-ҚУВВАТЛАШ, ШАРТ-ШАРОИТЛАР ЯРАТИШ БУГУННИНГ УСТУВОР ВАЗИФАЛАРИДАН БИРИ. Туманимиз марказида жойлашган марказий ўйингоҳда Ички ишлар вазирлиги, туман ҳокимлиги ҳамда бошқа ҳамкор ташкилотлар томонидан ташкилланган “Янги Ўзбекистонда янгича фикрловчи ёшлармиз” шиори остидаги фестиваль бувайдалик ёшларнинг фаоллиги ва уюшқоқлигида ўтди. Фестиваль кун тартибидан ўрин олган рассомлар майдончаси, ҳунармандлар расталари, меҳнат ярмаркаси, цирк, дорбозлар, спорт мусобақалари, китоблар, миллий либослар, миллий таомлар кўргазмалари, чалпак сайли, палов тайёрлаш мусобақалари анжуманда иштирок этган ёшу қарининг эътиборини тортди. Фестивални туман ҳокими Б.Ибрагимов очиб берди.Туман аҳолиси вакиллари, фаол, уюшмаган ёшлар, кам таъминланган оилалар фарзандлари, барча МФЙдан “Темир дафтар”, “Аёллар дафтари” ва “Ёшлар дафтари”га киритилганлар анжуманда иштирок этиб, маънавий ҳордиқ чиқардилар.Эстрада юлдузлари, хушовоз хонандалар иштирокидаги мусиқали дастур ҳам бувайдалиликлар қалбига завқ-шавқ бағишлади. Дастурда янграган она Ватан, ҳур ёшлик, муҳаббат ва бахт ҳақидаги куй-қўшиқлар рақсларга уланди. Фестивалда намойиш этилган спортнинг 23 та тури бўйича кўргазмали чиқишлар ёшларни мамлакатимиз ҳарбий техникаси билан таништириш билан бирга улар қалбида она Ватанга садоқат, ҳарбийларимизга ишонч ва ҳавас туйғуларини сингдиришга хизмат қилди. Ички ишлар вазирлиги ташаббуси билан илк бор туманда “CROSSFIT GAMES FERGANA-2022” жамоавий комплекс спорт тури бўйича “Ички ишлар вазири кубоги” мусобақасида 18 ёшдан 30 ёшгача бўлган ёшлар иштирок этишиб, ўз иқтидор ва маҳоратларини амалда кўрсатдилар. Фестиваль доирасида Халқаро спорт турнирлари ғолиблари, номдор спортчилар билан давра суҳбатлари ҳамда маҳорат сабоқлари ташкил этилди.Ёшлар бандлигини таъминлаш ҳамда уларнинг бўш вақтларини мазмунли ташкил этиш мақсадида ташкил этилган мазкур фестивалда икки мингга яқин аҳоли вакиллари иштирок этди.ИИВ вакили ҳамда республика Маънавият ва маърифат маркази раҳбари ўринбосари Ф.Жўрақулов ҳам фестивалда иштирок этди.Фестиваль якунида ғолиб жамоалар аниқланди.Ойим МФЙ спортчи ёшлари биринчи ўринни эгаллаб ИИВнинг 25 миллион сўм, Қўм МФЙ жамоаси иккинчи ўринга сазовор бўлиб 15 миллон сўм, Бувайда МФЙ ёшлари эса учинчи ўринни қўлга киритиб 10 миллион сўм пул мукофотига лойиқ топилдилар. Номинациялар бўйича энг яхши иштирокчи Понсод МФЙ жамоаси, энг яхши жамоа эса Қоратепа МФЙ ёшлари деб эътироф этилди.
