Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38
ИЧКИ ЙЎЛЛАР АСФАЛЬТЛАНДИ
2022-12-01 16:08:12 80
Ўзбекистон Республикаси ДХХ раисининг жорий йил октябрь ойида вилоятимизга ташрифи давомида ижтимоий-иқтисодий муаммоларни ҳал этиш бўйича ишлаб чиқилган “Йўл харита”сида ҳамда Халқ қабулхонаси ва ўтказилган сайёр қабуллар давомида келиб тушган мурожаатларга мувофиқ,тумандаги 7 та МФЙлардаги 8 та кўчаларнинг 2,9 км узунликдаги ички хўжалик йўлларни асфальтлаштириш белгиланган эди.
Ушбу белгиланган вазифалар ижросини таъминлаш мақсадида Бувайда туманидаги Шодлик МФЙнинг “Манғит” кўчаси 0,5 км, Найман МФЙнинг “Мустақиллик” кўчаси 0,3 км, Янгиқўрғон МФЙнинг “Наврўз” кўчаси 0,5 км, Беглар МФЙнинг “Бинокор”, “Чинор” ҳамда “Бахт” кўчалари, 0,5 км, Пошшопирим МФЙнинг “Обод замин” кўчаси 0,4 км, Хонобод МФЙнинг "Учқун” кўчаси 0.4 км, Озод МФЙнинг “Тонг юлдузи” кўчаси 0,3 км - жами 2,9 километр йўллар асфальтланди.
